Zaqatalada mitinqə aid şəkil paylaşdığı üçün həbs
edilən blogger Emin Məmmədova polis şöbəsində işgəncə verilir.
Bunu iddia edir və isbatlayıram. Əlimdə sübutlarım
var.
Belə ki, 27 yanvar tarixində həbs edilən bloggerin
şəxsi mobil telefonundan, həbsindən sonrakı günlərdə şəxsimə aid “vatsapp”
ünvanına dəfələrlə mesajlar gəlmişdir. Mesajlarda Eminin adından yazılar
yazaraq şəxsimə aid bir sıra məlumatlar əldə etmək istəsələrdə, bloggerin
həbsdə olduğunu bildiyimdən və yerli polis organlarının quldurluq fəaliyyətinə
bələd olduğumdan danımşmamağa üstünlük verdim.
Polis əməkdaşı ard –arda 27,28, 29 və 30 yanvarda, iki
gün aradan sonra 2, 3 və 5 fevralda E.Mimmidovun mobıl telefonundan minım
vatsap nğmrimi mesajlar gönməkdə, həbsdə olan bloggerin adından danışmaqda idi
(bu mesajların hər biri telefonumda qalır). Əsasən mesajlarda digər gənclərin
(mitinqə dəstək verən) adları soruşulur, onlarla görüşmək istənilirdi. Əlbəttə
ki, bu qeyri peşəkar xəfiyyə(lər)yə inanmırdım. Ancaq ona bu haqda heç nə
demir, “oyunu” davam etdirirdim. Bu oyuna aldanan qeyri peşəkar polis onlara
heç bir bilgi vermədiyimi gördükdə isə daha inandırıcı olması üçün həbsdə olan
bloggeri öz iradəsinin əleyhinə danıçmağa məcbur etmiş, ona səsli mesaj
göndərməsi üçün təzyiq etmişdir. İlk dəfə həbs edilən gün 28 yanvar tarixində,
saat 16:03 də (Bakı saatı ilə) səsli mesaj gəlmişdir - bloggerin telefonundan. Daha
sonra isə 5 fevral saat 09:38 də təkrar səsli mesaj gəldi. Hər iki halda
danışan, həbsdə olan blogger Emin Məmmədov idi. Səs mesajında O, həbsdən
çıxdığını deyir, ona Zaqatalada hər hansı siyasi iş tapşırığı verməyimi
istəyirdi.
Ancaq onun səsində sezilən titrəyiş, arxa fonda gələn
səslər açıqca bildirirdi ki, onu iradəsi əleyhinə, polis şöbəsində mənimlə
danışmağa vadar etmişlər.
Bu isə hər necə olsa belə qanunlara ziddir,
cinayətdir…
Yox, əgər polis iddia etsə ki, ona qarşı zorakılıq
olmadan, öz iradəsi ilə mənimlə danışıb, bu halda yenə də Polis Şöbəsi
məsuliyyət daşıyır və buna cavab verməlidir. Həbs edilmiş şəxs, həbsindən sonra
hər gün mənimlə telefonda mesajlaşmaq kimi şansı necə əldə edib?
Bu sualı Zaqatala Polis Şöbəsi cavablandırmağa
məcburdu, çünki ortada gözlə görülən bir məsuliyyətsizlik, quldurluq, cinayət
var…-
Bu halda
həbsdə olan bloggerə qarşı işgəncə olması öz təsdiqini tapır. Çünki həbsdə olan
gənc öz istəyi ilə, iradəsi ilə məndən tələb edə, həttaisrar edə bilməzdi ki,
mitinqə kimlərin qatılacağını ona bildirim və ya həmin şəxslərlə onun
görüşməsini təmin edim. Təbii ki, bu polisin işgəncəsi nəticəsində baş
vermişdi. Hətta dəqiq mənbədən aldığım bir məlumatda eynilə bu cür yazılmışdı: “həbs
edilənlərin içində Emini xüsusilə döyüblər. Əllərini bağlayaraq ona xüsusilə
ağır işgəncə verilib”.
Təsadüfi
deyil ki, həbs edilən gəncləri yaxınları ilə görüşməyə qoymurlar. Polis
Şöbəsindən həbs edilən gənclərin yaxınlarına bildirilib ki, sutkalıqları bitsin
sərbəst buraxılacaqlar, ancaq hazırda görüşə icazə verilmir.
Sonda bütün
ictimaiyyət nümayəndələri, siyasi partiya və təşkilatlar, müstəqil
jurnalistlər, hüquq müdafiəçiləri və ictimai-siyasi fəallardan bu məsələyə
diqqət ayırmasını, günahsız yerə həbs edilən Zaqatala fəallarının müdafiəsinə
qalxmaqlarını xahiş edirəm.
Xüsusilə
müstəqil KİV günahsız həbs edilən gəncləri ictimailəşdirməməkdə xüsusi maraq
sərgilədi ki, bu da anlaşılan deyil. Dəfələrlə, bütün müstəqil mətbuat
organlarına müraciət etməyimizə, məlumatlar verməyimizə rəğmən heç bir halda bu
kimi qanunsuz olayı ictimailəşdirməməyi üstün tutan mətbuat, bundan sonra hansı
addımı atacaq deyə maraqla gözləyirik. Sosial şəbəkələrdə yüz minlərlə
izləyiciləri olan, sözdə müstəqil fəaliyyət göstərən səhifələrə də günahsız
həbs edilən gənclərin fotosunu göndərmişik, lakin yayınlamaq bir yana, heç
cavab vermək zəhmətinə belə qatlanmayıblar ki, bu da məndə müəyyən suallar
doğurur. Hesab edirəm ki, həbs edilən gənclərin heç bir partiya mənsubiyyəti
olmaması, sıradan gənclər olması onların həbsini ictimaiyyətə çatdırmağa və müdafiəsinə qalxmağa
“maneə” olmuşdur.
Əslində
yazacaq çox şey var, amma ümumi mübarizəyə zərər vurmamaq adına susmağı, həbs
edilən ona yaxın gənci də “qurban” verməyi üstün tuturam.
Həbs edilən və adları mənə məlum olan fəallar:
1. Emin Məmmədov
(blogger)
2. Səbuhi Nusalov
3. Vaqif Hüseynov
4. Məhəmməd
Ömərov
5. Zair Osmanov
6. Telman Mahnudcanov
7. Rəhman
Məmmədov.
RƏSUL MÜRSƏLOV
No comments:
Post a Comment