Rəsul Mürsəlov
Suriyalı qaçqınlar. Son dönəm
Dəniz sahilinə vuran körpənin cansız bədəni ilə daha çox gündəmə gəldi.
Mənim bu mövzudan danışmaq
niyyətim yox. Sözümün canı ayrıdır. Dolayısı ilə elə bu mövzunu da əhatə edir.
Suriyadan, müharibədən qaçan
qaçqınlar sözün əsl mənasında artıq qudurduqlarını gizlətmirlər. Müharibədən qaçmısız, təhlükəsiz yaşayış,
normal həyatistəyirsiz və bu sizin insan olaraq haqqınızdır. Kimsə buna başqa
cür yanaşa bilməz. Bura kimi anlayırıq. Deməli sizə savaş olmayan, bir tikə çörəyinizi
yeyə biləcəyiniz azad yer lazım, elə deyilmi?
Bəs bu qudurğanlıq nədir? Ölkə,
şəhər seçməyinizə, Avropaya yayılmış tərbiyyəsizliyinizə necə anlam verək.
Suriyanı zorlu şərtlər altında
tərk edən qaçqınlara, təhlükəsiz ölkələr qəbul edir, yeməyini, yaşayış şəraitini
təmin edir. Amma qaçqınlar daha artığına iddia edir. Bunun adı qudurğanlıq,
harınlamaqdır.
* * *
Başımdan keçən Suriya qaçqını ilə
olan qısa dialoqumu bu yerdə xatırlamaq yerinə düşər.
Hollandiyaya gəldiyim 4 gün
idi. Bunun 3 gününü beynəlxalq konfransda keçirmiş, son günü isə “Qaçqınların Qəbulu
Mərkəzi”nə getmək üçün paytaxtdan yola çıxdım. Son stansiyada dəmiryol
vağzalından çıxıb son marşrutu avtobusla getmək üçün dayanacaqda durmuşdum. Bir
nəfər yaxınlaşdı. Məndən ünvan soruşdu. Getdiyim ünvan idi və ona izah etdim.
Ardınca siqaret istədi, verdim. Siqareti sömürə-sömürə aramızda belə bir dialoq
oldu. Sual verdi:
- Haralısız?
- Azərbaycan.
- Müsəlmansız?
Hə demək bunun çənəsindən
qurtula bilməmək, yox demək isə lənətlər yağdırması ilə nəticələnəcəkdi. Amma mən
ikincini seçdim - Xeyr. Ardınca qəzəbli üz ifadəsi ilə:
- Yeriniz cəhənnəmdir -dedi.
Bu qədər arsızlığa üzümdəki təbəssümlə
cavab verdim. Susdu. Canım qurtardı deyə düşündüm. Az sonra siqaret yandırarkən
ona da təklif etdim. Acıqlı üz ifadəsi ilə imtina etdi və ardınca açıqlamasını
verdi: “Siz müsəlman deyilsiz, buna görə sizin siqaretinizi də çəkmərəm. Kafirlərdən
heç nə almaq, vermək olmaz” deyə ciddi sifət görkəmi aldı. Təkrar gülümsədim.
Arvadını çadıraya bürüyüb özü şortikdə gəzən bu “müsəlmana”, cahilə nə deyəcəkdim
ki? Az sonra avtobus gəldi və yola düşdük. Avtobusdan enəndən sonra da kafirin
(mənim) məsləhəti, yol göstərməsi ilə lazımi ünvana çatdı suriyalı müsəlman.
Bir gün həmin düşərgədə qaldım
və azı 4-5 dəfə həmin müsəlman kafirdən (məndən) məcburi siqaret istədi, verdim.
* * *
Bunun kimi “müsəlmanlar”
Avropanı fəth edib və axmaq düşüncə tərzi ilə yerli sakinləri də bezdirib,
qorxu mühiti yaradıb. Maqazinlərdən oğurluq, dava-dalaş və bir sıra pisliklərlə
Avropa insanında özlərinə qarşı acıma, yardım duyğusunu nifrətə çeviriblər.
Bütün mədəniyyətsizliklər, tərbiyyəsiz, əxlaq dışı hərəkətlərə sahib bu “müsəlmanlar”
nəinki mədəniyyətə inteqrasiya, hətta burdakı mədəniyyəti öz mədəniyyətsizlikləri
ilə dəyişmək istəyirlər.
Suriya qaçqınları müharibədən
qaçmalarına, Avropadan sözdə təhlükəsiz sığınmadan başqa heç nə istəmədiklərini
deyirlər. Amma görünən o ki, bu qaçqınlar daha çox şey istəyirlər. Məsələn
Avropanı Suriyaya döndərmək. Bu qədər cahil kütləni qəbul edib yer, yuva verən
dövlətlərdən daha çox şey tələb edirlər. Mitinqlər, aksiyalar edirlər, qonaq gəldikləri
ev sahibinə qarşı etiraz edirlər. Haqlı etiraz olsa dəstəkləyərəm, amma məsələ
başqadır. Bunların tələblərinə baxın hələ.
Macarıstanda zorla sərhəddi
qırıb keçirlər, sonra həmin ölkədə sənədləşməyə razı olmurlar və Almanyaya getmək
istəyirik deyirlər. Niyə axı Almanya? Müharibədən qaçıb təhlükəsiz yer
axtarmırsız? Bu nə küstahlıqdır, ölkə seçmək.
İndi də Yunanıstanda
saxlandıqları yerdən Afinaya getmək üçünetiraz aksiyası ediblər. Polis zorla
qarşılarını alıb. Hətta qarşıdurma yaşanıb, yaralananlar olub. Bunlar necə də qəhrəman
imiş, qorxmurmuşlar heç nədən. Baxsaq görərik ki, öz ölkələrində heç vaxt nəyəsə
etiraz etməyiblər. Bu qudurğan kütlə öz ölkəsində "mal" kimi yaşayıb,
hakimiyyətə sözünü deyə bilməyib və bu günkü günə düşüb. İndi Avropaya çıxan
kimi, söz azadlığı deyib qonaq olduqları, çörəyini yedikləri hökumətə tələblər
qoyurlar, üsyan edirlər. Bu cahil kütlə “Afinaya istəyirik” deyə şüarlar səsləndirib.
Tələbə baxın. Bunlar paytaxtda yaşamaq istəyir. Oranı zibilə döndərmək niyyətindələr.
Axı siz kimsiniz ki, qonaq olduğunuz ölkənin paytaxtına gedib oranı da öz mədəniyyətsizliyinizlə
bərbad edəsiz? Orda yaşayan yerli insanların rahatını pozasız?
Hələ bir ailə tanıyıram burda.
İki ildən çoxdur düşərgədə qalır. Səbəb o deyil ki, bunları hökumət, miqrasiya
idarəsi evsiz qoyub. Səbəb yenə qudurğanlıqdır. Adama gəldiyindən bir müddət
sonra ev veriblər. Bəyənməyib şəhəri, evi. Deyib ki, paytaxt Amsterdamda ev
verin mənə. Deyiblər baş üstə, otur düşərgədə, olan kimi xəbər edəcəyik. İki
ildi gözləyir.
Adama deyərlər qələtinizi edib
oturun yerinizdə, harda yer veriblər orda.
Bu cahil kütlə burda “kafir”
çörəyi yeyib, evində yaşayıb, maşınını sürür. Sonra deyir ki, Avropa yolunu
azıb, kafirdi, cəhənnəmdə yanacaqlar. Adamı “cəhənnəmdən əvvəl” bu düşüncələri,
sözləri yandırıb tökür. Yolunu azan kimdir görəsən? Komfort içində, mehriban
yaşayan, bütün insanlığını
ortaya qoyan Avropa insanı, yoxsa hər getdiyi yeri
zibilə çevirən bu cahil kütlə?
QaynarXeber.Az - köşə
No comments:
Post a Comment